ព័រទុយហ្គាល់ យកឈ្នះ អ៊ីស្រាអែល ៤ ទល់ ០ក្នុងមិត្តភាព មុនទៅលេង Euro 2020 សប្តាហ៏នេះ

 ក្រុមការពារតំណែងជើងឯក ព័រទុយហ្គាល់ បានបំបាក់គូប្រជែង អ៊ីស្រាអែល ក្នុងលទ្ធផល ៤ ទល់​ ០ នៃជំនួបមិត្តភាពចុងក្រោយ មុនពេលលេងពាន UEFA Euro 2020 សប្តាហ៏នេះ។

កីឡាករខ្សែបម្រើប្រយុទ្ធ Bruno Fernandes ដែលត្រូវបានជ្រើសរើសចេញពីក្លឹប Manchester United​ រក​បាន​គ្រាប់បាល់បាន២គ្រាប់នៅនាទី ៤២ និង នាទី ៩០ បូក ១ នៅពេលខ្សែប្រយុទ្ធ សេះបង្កង់ Juventus, Cristiano Ronaldo រកបាន១គ្រាប់នៅនាទី ៤៤ និង កីឡាករ Joao Cancelo ក៏រកបាន ១គ្រាប់ដែលនៅនាទី​ ៨៦ ។

 ព័រទុយហ្កាល់ និងត្រូវចាប់ផ្តើមយុទ្ធការ Euro 2020 របស់ពូកគេដោយស្ថិតក្នុងពូល F ដោយត្រូវប៉ះ​អាល្លឺម៉ង ហុងគ្រី និង ក្រុមជើងឯកពិភពលោក បារាំង ក្នុងយក ២​ ក្រុមកំពូលតារាង​ដើម្បីឡើងទៅ​លេង វគ្គ ១៦ ក្រុម និង ក្រុមលេខ ៣ ល្អបំផុតចំនូន ៤ ក្រុមក៏ត្រូវបានជ្រើសរើសផងដែរ។

ព័រទុយហ្កាល់ទទួលបានសិទ្ធិការពារតំណែងជើងឯកអឺរ៉ុបរបស់ពួកគេប្រឆាំងនឹងហុងគ្រីនៅទីក្រុង Budapest នាថ្ងៃទី ១៥ ខែមិថុនា។